Draken ut Papier (Text*: Greta Schoon / Musik: Jan Cornelius)

De Seewind eit
de lesde Blömen
in Dünensand.
Kien Padd för mi
na ´t grote Water.

Man hoog de Himmel,
hoog un gleinigblau,
un in dat Glinstern, in dat Lücht,
dree Draken,
dree bunte Draken ut Papier.

Se spölen
mit de Wind.
Se danzen un se sweven,
se seilen up un daal.
Dat lett, as wenn se singen,
en Leed van Kinnerbliedskupp,
en Leed van Lüst un Leven
over dat gröne Eiland,
over de wiede See.

*Der Text fand sich im Nachlass Greta Schoons. Originaltitel: „Wangerooge“